بلاك تيما 2010 بحار

بلاك تيما: بحر-عبده-أمير

كلمات البوم بلاك تيما - بحار 2010



كنا صغار

كنا صغار و كبار و مابيننا كان أسرار
خدنا الطريق على فين و مشينا كام مشوار
الماضي في عينيا و بعيش و انا بينكم
أحلامي طفولية و بشوفها بعيونكم
نفسي في ايدين دافية ولا ف عيون صافية
انا ليه بقابل ناس تضحكلي بالعافية
يا صحابي راجعين وانا راجع
للعب عالناصية و اللعب في الشارع
نضحك بحرية نفرح ولو لحظات
أيامنا حنية نلضمها بالحكايات
حلوة الدموع يا صحاب وانا لسة وسطيكم
ومفيش لا سور ولا باب ولا رعشة ف ايديكم
يا صحابي بسبقكم و ف قلبي أشواقكم
ومهما قولتولي دايما بصدقكم
_____________________________________

قول اه

متضايق من هدومك
متضايق من همومك
متضايق من حياتك
متضايق من مراتك
قول اه
متضايق من الزحام
متضايق من الكلام
متضايق من الزمالك
متضايق من التكاتك
قول اه
متضايق من الاعلام
متضايق من الاحلام
متضايق من الكوابيس
متضايق من الافلام
قول اه
متضايق من الرياضه
متضايق من حماده
متضايق من الاذاعه
متضايق كل ساعه
قول اه
متضايق من البلاوي
متضايق من الكيماوي
متضايق من السياسه
متضايق من الحماسه
قول اه
متضايق من التكييف
متضايف من الرغيف
متضايق من الشاويش
من الكيميا في الحشيش
قول اه
يا حبيبي تعالي الحقني شوف اللي جرالي
متضايق من السلالم
متضايق من الشتايم
متضايق من الصراع
متضايق من الصداع
قول اه
متضايق من اللي جاي
متضايق من اللي فات
متضايق من اللي عدى
متضايق من اللي آت
قول اه
متضايق من الحصار
متضايق من الدمار
متضايق من السلام
متضايق والسلام
قول اه
متضايق من الربيع
متضايق من الخريف
متضايق من الظريف
متضايق من السخيف
قول اه
متضايق من مديرك
متضايق من ضميرك
متضايق من الظروف
متضايق من الكسوف
قول اه
انفلونزا الخنازير انفلونزا الطيور
روح مستشفى الحميات و افتح بقك بالطول
قول اه
يا حبيبي تعالي الحقني شوف اللي جرالي
_____________________________________

بحار

بحار خايف من المشوار
في البحر وانت بعيد
الموج تملي يزيد
ويخبي في الأسرار
محبوب ومفيكش اي عيوب
مهما تغيب ع العين نورك على الشطين
حبك قدر مكتوب
ونّاس بتحب كل الناس
صوتك يونسني من نظرة تهوسني
وعينيك قمر بالناس
ونّاس بتحب كل الناس
صوتك يونسني
من نظرة تهوسني
وعينيك قمر بالناس
وبدور وبعدي اي بحور
تندهني وانا اروحلك
تحضني وابوحلك
ده الحب عصفور نور
محبوب ومفيكش اي عيوب
مهما تغيب ع العين نورك على الشطين
حبك قدر مكتوب
ونّاس بتحب كل الناس صوتك يونسني
من نظرة تهوسني وعينيك قمر بالناس
ونّاس بتحب كل الناس صوتك يونسني
من نظرة تهوسني وعينيك قمر بالناس
_____________________________________

انسان

انا مش فارس ولا فتى احلام
انا زحمة وربكة وشغل جنان
نصى بيضحك والتانى زعلان
انا شيخ فلتان
طيب شرير وجرىء وجبان
اوقات مشرق واوقات بهتان
مفترى جدا وكمان غلبان
شبابيك وبيبان توهه عنوان
انا من الاخر عفريت لابس بدلة انسان
_____________________________________

ايه يعني

ايه يعنى لما سبتينى
بشكل مش معقول
ما انا عاوز اسيبك من بدرى
لكن مكسوف اقول
ماضيكى مش لطيف
ودمك مش خفيف
وشيطانك اللى جوه
حيوانك الاليف
ايه يعنى لما سبتينى
بشكل مش معقول
رغم انك بليدة
استاذة فى الخيانة
فاكرة نفسك حويطة
وانتى فى اولى حضانه
تتغذى على الباتيه
وعامله بنت بيه
امال لو كنتى حلوة
كنتى عملتى ايه
ايه يعنى لما سبتينى
بشكل مش معقول
مسكنتك خلت قلبى يدق
وقعت فى حبك ليه
انا حاسس انى كنت بلق
فى جزمة حب كبير
صبرت عليكى كتير
وكنت فى حبى امير
واعصر على نفسى لمونة
واقول اشطة الايام هتطير
ايه يعنى لما سبتينى
بشكل مش معقول
ما انا عاوز اسيبك من بدرى
لكن مكسوف اقول
_____________________________________

عندى سر

انا عندى سر عندى سر خطير
انا عندى سر لازم يتشال فى بير
السر ان الحياة لازم تتعاش
واللى يكرهها مايستاهلهاش
وده يا ناس سرى
سرى الكبير
وكفايه تكون انسان
عندك حب وحنان
جرب عيشها بجنان
بس متكونش جبان
وانا عندى سر
اللى افتكرته موسى طلع فرعون
واللى افتكرته حبى طلع بيخون
اللى عشقته فى خيالى
واللى سهرت الليالى
واللى اتمنيته يجى
ياريته ما جانى
وكفايه تكون انسان
عندك حب وحنان
جرب عيشها بجنان
لكن متكونش جبان
وانا عندى سر
____________________________________

زحام المترو

في وسط زحمة المترو لمحت مدايا في عيونها
ونظرة عينها خطفتني لجوة عنيها من لونها
ملامحها شبه حلمي ولون الخد لون ايدي
لقيتني كأني بعرفها و بعشقها كما نيلي
لمحت البسمة خجلانة يا مترو اصبر دي ميالة
بتجري بسرعة ليه دلوقت ما تعطل حبة كالعادة
كفاية عذاب يا مترو اتلم ده 100 مشتاق و مشتاقة
محطاتك تجمعهم على قضبان ما تتلاقى
_____________________________________

قالوا على الحب

قالوا على الحب حالة نفسية أو مرضية
واستهلاك للوقت
واللي يحب ده مواطن مالدرجة التانية
يتجنن و يشت
آسف جدا وازاي تبقى حياتي طبيعية
لو لكلامكم استسلمت
وازاي أعيش من غير الروح الطفولية
واحلف اني عمري ما عشت
وانا قلتلهم امتا هحس بكل حواسي
امتا هقول اني استمتعت
و بعيد عنكم في الحب عرفت الحرية
و انا منكرش اني اتعلمت
اصل انا قلبي محطة كهربائية
تقضل دايرة طول الوقت
واللي بحبه ببعتلو اشارات ضوئية
وبيضحكلي لما ضحكت
وانا في بحوره أمواج الفرحة الحقيقية
بترجعني لما بعدت
_____________________________________

مجنون

كسر المجنون مرايته
لما ملقاش صورته فيها
قام خبطها بكعب حظه
اللي صدى سنين طويله
فسر الدنيا في لحظه
لما شاف بيت القصيدة
كسف الكوكب في لقطة
قصر وسط بيوت فقيرة
هاجرت الكلمات دماغه
القلم نمل صوابعه
فوق لسانه الحر عشش
نسر اصفر عاجبه خرسه
باشت البسمه في ملامحه
حن للسكه الطويله
باع حياته بضحكه صافيه
هادى بيها عيون حزينه
_____________________________________

افلت زمام

افلت زمام امالك هتلاقى الكون قبالك
دى الفرحه هى لحظة يشبع فيها جنانك
مجنون والحب غايه بحلم من غير نهاية
امانه يابحر طبطب على شمس تكون مرايه
وآه يا موج يا عالى هعوم فيك مابدالى
ع الشط الحر ارسى والقى جواب سؤالى
انا صاحى انا صاحى انا صاحى ورغم جراحى
هفرد قلبى وارفرف والضم ليلى بصباحى
افلت زمام امالك هتلاقى الكون قبالك
دى الفرحه هى لحظة يشبع فيها جنانك
_____________________________________

زحمه

اسأليني يا حبيبتي ع اللي داير في البلاد
اللي فيها صادروا حلمي وباعوا صوتي في المزاد
اسأليني عن ولاد شفتهم بعنيا دول
جربوا كل الحلول وبيفشلوا بالاٍجتهاد
احكي ليكي ألف قصة من حكاوي التعبانين
اللي عايش نص ميت واللي ميت من سنين
اللي نص كلامه كحة واللي شاف خمارة راحها
واللي اكل العيش دبحها دايرة دور ع السكرانين

زحمة زحمة زحمة زحمة

اللي نامية وفيها ثروة م الفلوس تعمل جبال
واسأليني عن كباري نايمة تحتيها العيال
اسأليني ع الغلابة واسأليني ع التقال
اسأليني ع الديابة واسأليني ع الفساد
اسأليني اشمعنى صابر ع المآسي الملهية
أقولك اني كنت واحد م الغلابة الأغبيا
اللي صبروا ف انتظار المعجزات والأنبيا
واللي فاق من وهمه فجأة لاقى كفر قوم عاد
لسة برضه قلبه طاير كعب داير فى البلاد

زحمة زحمة زحمة زحمة

thanks

u r w a aktr w7da 3gbtk?

thnxxxxxxxxxxxxxxxxxxxxxxxxxxxxxxxxx

i love this team





thanks

u r w zicaz

me 2
shokran saher

thx rnona

u r w dandonzzzz