هب الريس مات

إلتفت الأسرة حول فراش الزعيم وهو يلفظ أنفاسه الأخيرة .... قال الزعيم بصوت ضعيف
ولكنه حازم فى نفس الوقت
حسحس: كلكم موجودين
سوزي: أيوه ياحسحس ... أنا جنبك أهه ... وأدى جوجو ولولو ... قمرين دول ولا عينين
حسحس: طب إسمعوا اللى حقوله كويس
جوجو: سامعينك يابابا ... إتكلم
حسحس: مصر دى كنز ياولاد ... إمكسوا فيها بإيديكم وسنانكم ... بنسرق فيها بقالنا سنين وسنين ولسه بتدينا
لولو: هيا دى البركة اللى بيقولوا عليها يابابا
حسحس: أيوه يابنى .... ربنا يبارك لكم ولعيالكم فيها ... ودلوقتى إسمعونى
لولو: إنته على الهوى يابابا ... إتكلم
حسحس: أنا مش مديون لحد ياولاد ... يعنى أى واحد يصيع عليكم ويقول لكم أبوكم كان
مستلف منى فلوس تفوا فى وشه على طول
لولو: إطمن يابابا ... حرامى على حرامى ما يلعبش
حسحس: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض ...
فلوس متلتلة متتعدش .... مش حقول لكم حافظوا عليها وبس ... لآلآلآلآ ... زودوها
كمان وكمان لجل ما روحى ترتاح وأنا فى تربتى
جوجو: هيا الفلوس اللى إنته عملتها يابابا دى بتسميها فلوس .... شفنى أنا ولولو حنعمل إيه .... ولا صحيح حتشوفنا إزاى .... عموماً ما تقلقش
حسحس: ودلوقتى إسمعوا وصيتى ..... الحكم لأولاد مبارك ... لازم أول ما جوجو يحلف اليمين تغيروا إسم مصر وترجعوه زى ما كان زمان أيام الملك فاروق والملكة نازلى ( المملكة المصريه )
جوجو: مفهوم يابابا ... خش فى اللى بعده
حسحس: الجيش والشرطة والأزهر ... أوعوا واحد من التلاته دول يخرج عن طوعكم أبداً
لولو: مفهوم برده ... اللى بعده .... ياساتر ده إنته ملل
سوزي: عيب يالولو لما تكلم أبوك كده
لولو: بهزر ياماما
حسحس: الهرم لأم العيال ... ليكى ياسوزي بعد ما خدمتينى بتفانى وإخلاص طول السنين دى
سوزي: هرم !!!!!!! .... هيا دى آخرة صبرى !!! ...... وده يسوى كام ده !!!!
لولو وهو يمسك بالألة الحاسبة : يسوى كتير ياماما ... لو تحبى أتصرف لك فيه ممكن يعمل معاكى مبلغ كويس
سوزي: مش حرضى باأقل من التلات أهرامات وأبو الهول
حسحس: مش خسارة فيكى ياغالية ....
أثار النوبة للولو .... والأقصر لجوجو ...
ودلوقتى نيجى للميه .... الساحل الشمالى للولو والبحر الأحمر لجوجو ونهر النيل لأم العيال ....وقناة السويس تخصصوا دخلها صدقة جارية على روحى
سوزي: إنته أكيد مخبول ... مليار ونص دولار صدقة جارية على روحك !!!!
جوجو: ما تاخديش على كلامه ياماما .... ده يبقى كتير لو طلعنا 100 ولا 200 جنيه على روحه للفقرا
لولو وهو يمسك بالألة الحاسبة: ممكن نطلع لحد ألف جنيه ياجوجو ... السيولة تسمح
حسحس: أوعوا تفرطوا فى حبيب العادلى من بعدى ياولاد ... حبيب قلبه ميت وإيده طرشه
... وهوه ده اللى ينفع مع الغجر اللى هنا
جموجو: بس ما بيعجبنيش شنبه يابابا
حسحس: إنته مالك ومال أم شنبه ..... إحنا بنشترى مجرم
جوجو: أعاهدك يابابا إنى حخليه معايا ومش حفرط فيه أبداً
حسحس: الشيخ طنطاوى ياولاد راجل بركة ..... يمين يمين شمال شمال ..... أوعوا تفرطوا فيه ..... بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ
لولو: ولا يهمك يابابا .... حخلى أنكل كمال الشاذلى يصلى عليك
حسحس: والله لو عملتها يالولو لكون متبرى منك إلى يوم الدين
لولو: بهزر معاك يابابا ..... أنكل كمال مش حافظ الفاتحة
حسحس: المشير طنطاوى ياولاد ..... مش حوصيكم عليه ..... الراجل ده عامل زى الست المستحية .... حاطط وشه فى الأرض على طول وعمره ما استجرى يرفع عينه فيا ... وفى نفس الوقت ماسك الجيش بإيد من حديد
سوزي: هوه فعلاً خجول وكل ما يشوفنى ما يقوليش غير ياست هانم .... إبقى خليه معاك ياجوجو
جوجو: حاضر ياماما
حسحس: عايز جنازتى ياولاد الناس تحكى وتتحاكى عنها ...... هاتوا المخرج الإيطالى ده اللى إسمه مكافيللى يصورها
لولو وهو يمسك بالألة الحاسبة: هوه حيكلفنا كتير ... لكن ممكن فى الأخر نلم مبلغ معقول لو خلينا شركة أجنبية تحتكر حق توزيع الفيديو فى أوروبا وأمريكا
حسحس: عايز أحلى مدفع يشيل النعش ياولاد
جوجو: مدفع رشاش
سوزي: الهزار مش فى الحاجات دى ياجوجو
جوجو: آسف ياماما
حسحس: عايز أدفن فى شرم الشيخ ياولاد جنب أولمرت وشارون
لولو: بلاش كفر مصيلحة يعنى
حسحس: لأ... كلها براغيت يالولو .... وإسم شرم الشيخ كمان أشيك بكتير

هههههههههههههههههههههههههههههههههههههههههههههههههههههههههههههه
شكرااااااااااااااااااااااا على الموضوع الجااااااااااااااااااااااااااااااااااااااااااااااااااااااااااد يا ايمن

عفوا انتي تؤمري

عفوا انتي تؤمري

ههههههههههههههههههههههههههههههههههههه

4okran ya maw

hahahahaha

gamda gdan

ها هي هو حقيقي جامده مووووووووووت

شكرا علي الردود

جاااااااااااامدة شكرا

عفوا

أي خدمة

انا برده اللي اهدى ولا مين

كل واحد عاغرف نفسة

اوك يا ليدر

شكرا يا أيمن

ههههههه حلوه اوى

شكرا علي المرور